Inatsit
tunngaviusoq
Ataani
atuarneqarsinnaapput utoqqalinermi aammalu siusinaarluni soraarnerussutisiat
pillugit inatsisit tunngaviusut. Annertunerusumik paasissutissanut Isumaginninnermut,
Ilaqutariinnermut, Naligiissitaanermut Inatsisinillu Atuutsitsinermut
Naalakkersuisoqarfik, Namminersorlutik Oqartussat nittartagaanni www.naalakkersuisut.gl–imiittumi innersuussutigineqarpoq, tassani isumaginninnerup iluani
inatsisit, peqqussutit nalunaarutillu il.il. atuutsinneqartut
atuarneqarsinnaallutillu aaneqarsinnaapput.
Utoqqalinermi soraarnerussutisiat
Inatsit
tunngavigineqartoq: Utoqqalinersiaqarneq pillugu Inatsisartut inatsisaat nr.
20, 23. november 2015-meersoq, taassumali kingorna aaqqiissutit.
2010-miit
2016-imut 65-inik ukioqalereersimasut utoqqalinermi
soraarnerussutisiaqarsinnaatitaapput. 1.januaari 2017 aallarnerfigalugu ukiunut
killigititat 66-inut qaffanneqarput.
Siusinaarluni
soraarnerussutisiat
Inatsit
tunngavigineqartoq: Siusinaartumik pensionisiat pillugit Inatsisartut
inatsisaat nr. 40, 9. december 2015-imeersoq, taassumalu kingorna aaqqiissutit.
Siusinaarluni
soraarnerussutisiat timikkut, tarnikkut aamma/imaluunniit inunnik
peqateqarsinnaanermik peqquteqartumik inuussutissarsiorsinnaannginnermi
tunniunneqartarput. Siusinaarluni soraarnerussutisiat 18-ileereersimasunut,
kisiannili suli 65-inik ukioqalersimanngitsunut, tunniunneqartarput.
Taamatuttaaq 18-it inorlugit ukiullit siusinaarluni
soraarnerussutisiaqarsinnaavoq aapparisamut, inooqammut imaluunniit meeqqamut
pilersuisussaatitaalluni inissisimappat.